I kommunen finst det fleire å snakka med om bekymringar, tankar, kjensler og trivsel. Med andre ord skal du alltid kunne finne nokon å snakke med om kva som helst, anten det gjeld deg sjølv, ein venn eller nokon i familien. Om du har god kontakt med ein lærar kan han eller ho hjelpe deg direkte eller finne rett teneste til akkurat det du treng. Alle som arbeider med barn og unge i kommunen har teieplikt og må ha ditt samtykke for å involvere andre.

I vår kommune tar vi alle bekymringar, små og store, som gjeld barn og unge like alvorleg. Om det er eit barn i familien din, vennekretsen eller i nabolaget er det godt å ha ein vaksen som ser situasjonen til barnet og bidreg til at barnet får den oppfølginga det skal ha. Du kan melde di bekymring til alle i kommunen som arbeider med barn. Det kan vera lærar/rektor, tilsett i barnehagen, helsesjukepleiar, eller andre. I kommunen jobbar vi saman med barnet og familien for å sikre at grunnlaget for bekymringa blir handtert trygt og rett.

Som tilsett er du pålagt å handle om du opplever ei bekymring knytt til eit barn. Det kan vera livssituasjon, familieliv, helse, trivsel på skule/i barnehage eller andre ting som kan ha innverknad på barnet. Benytt deg av handlingsrettleiaren og samhandlingsmodellen for å sikre rett framgangsmåte med di bekymring .